„დემოკრატიის ინდექსი - საქართველო“ ეხმაურება საქართველოს მთავრობის საკანონმდებლო ინიციატივას, რომლითაც ცვლილება შედის „ელექტრონული კომუნიკაციების შესახებ“ საქართველოს კანონში და კომუნიკაციების მარეგულირებელ კომისიას აძლევს სასამართლო კონტროლის გარეშე სპეციალური მმართველის დანიშვნის შესაძლებლობას ფართო უფლებამოსილებით.

მას შემდეგ, რაც 2020 წლის 22 მაისს გაუქმდა ქვეყანაში გამოცხადებული საგანგებო მდგომარეობა, საქართველოს პარლამენტში ინიცირებული თითქმის ყოველი მეორე კანონის პროექტი დაჩქარებული წესით განიხილება.