საქართველოს კონსტიტუციაში ცვლილებების პროექტის განხილვის პროცესში იქმნება შთაბეჭდილება, რომ მმართველ ხელისუფლებას არ სურს გენერალური პროკურორის არჩევის მოქმედი წესის გაუმჯობესება და შესაძლოა არ აპირებს ამ მიმართულებით ინიცირებული ცვლილებების მიღებას.

მმართველი ხელისუფლება არ ავლენს მზაობას ცესკოს თავმჯდომარის პოლიტიკური კონსენსუსით ასარჩევად - კანდიდატის შერჩევის პროცესი მიმდინარეობს პარტიებს შორის კონსენსუსის მისაღწევად საჭირო პოლიტიკური კონსულტაციების გარეშე, რაც შედეგად გამოიწვევს საპარლამენტო უმრავლესობის მიერ ერთპარტიულად ცესკო-ს თავმჯდომარის არჩევას.

“პრაიდის კვირეულში“ მომხდარ ძალადობაზე შინაგან საქმეთა სამინისტროს რეაგირებასთან დაკავშირებით შსს მინისტრის პლენარულ სხდომაზე მოსმენის შეწყვეტის კანონიერი საფუძველი არ არსებობდა.