პარლამენტის წევრების ირაკლი ზარქუასა და ირაკლი (დაჩი) ბერაიას 2021 წლის 29 ნოემბრის ბიუროს სხდომაზე წარდგენილი ინიციატივა გულისხმობდა ცვლილების შეტანას „ლატარიების, აზარტული და მომგებიანი თამაშობების მოწყობის შესახებ“ და „სათამაშო ბიზნესის მოსაკრებლის შესახებ“ საქართველოს კანონებში, რომლითაც ლატარიების ორგანიზატორ კომპანიას უმცირდებოდა გადასახადი 20%-ით.

ორგანიზაციამ დემოკრატიის ინდექსი - საქართველო და დამოუკიდებელი იურისტების ჯგუფმა წერილით მიმართა საქართველოს პარლამენტის თითოეულ წევრს. წერილში აღწერილია პარლამენტის მიერ 2021 წლის ივლისსა და 2021 წლის ნოემბერში საქართველოს უზენაესი სასამართლოს მოსამართლეების ასარჩევად ჩატარებულ პროცესზე დაკვირვებისას გამოვლენილი მნიშვნელოვანი პრობლემები.