„დემოკრატიის ინდექსი - საქართველო“ მოუწოდებს პარლამენტს შეისწავლოს “ნარუშილოვკების” გაცემის საკითხი

• დაიბაროს შს მინისტრი და დაუსვას კითხვები, ე.წ. „ნარუშილოვკების“ სამართლებრივ და პრაქტიკულ ასპექტებზე. კერძოდ:

1. რომელი სამართლებრივი აქტით არის რეგულირებული „ნარუშილოვკების“ ე.ი. „საგზაო მოძრაობის წესებით გათვალისწინებული აკრძალვებისა და შეზღუდვებისგან გათავისუფლების დამადასტურებელი საშვის“ გაცემა;
2. თუ ეს მოწესრიგებულია შს მინისტრის ბრძანებით და ეს ბრძანება არ არის საჯარო, მოსთხოვოს მინისტრს გასაიდუმლოების კანონიერი საფუძვლის დასახელება;
3. რომელ კანონს დაეყრდნო შს მინისტრი აღნიშნული ბრძანების გამოცემისას;
4. მოსთხოვოს მინისტრს ინფორმაცია იმის თაობაზე, ვის მიმართ და რომელი თანამდებობის პირებისთვის გაიცემა „ნარუშილოვკა“ და რა შემთხვევებში;
5. მოსთხოვოს მინისტრს ინფორმაცია 2019 წელს გაცემული „ნარუშილოვკების“ რაოდენობის შესახებ;
6. მე-4 და მე-5 პუნქტების შეჯამების შედეგად თუ აღმოჩნდება, რომ გაცემული „ნარუშილოვკის“ ჯამი აღემატება დღეს ქვეყანაში სულ არსებული იმ პირების რაოდენობას, რომლებსაც სამართლებრივი აქტით შეუძლია ჰქონდეს იგი, პროკურატურას გაუგზავნოს ინფორმაცია სავარაუდო უფლებამოსილების ბოროტად გამოყენების შესახებ, რადგან შესაძლოა, დოკუმენტი უსაფუძვლოდ იყოს გაცემული არაუფლებამოსილ პირებზეც;
7. გაასაჯაროვოს შესწავლის შედეგები პერსონალური მონაცემების დაცვით;

• ინფორმაციის მოსმენის, კონტროლისა და შემოწმების შემდეგ მოამზადოს დასკვნა, სადაც შეაფასებს „ნარუშილოვკების“ სამართლებრივი და პრაქტიკული საფუძვლების გამოკვლევის შედეგად გამოვლენილ ხარვეზებსა და მათზე რეაგირების ზომებს, მათ შორის, საჭიროების მიხედვით, მოამზადოს საკანონმდებლო ინიციატივები და რეკომენდაციები პასუხისმგებელი უწყების მიმართ.

• დაუყოვნებლივ, მიუკერძოებლად და სრულყოფილად გამოიძიოს და გამოკვეთოს ყველა დამნაშავე პირი, მათ შორის, სამოხელეო დანაშაულის ჩამდენი მოქმედი მაღალი თანამდებობის პირებიც; 

• მაღალი საჯარო ინტერესის გათვალისწინებით, საზოგადოებას მიაწოდოს ინფორმაცია იმის შესახებ, თუ რა საგამოძიებო მოქმედებები ჩატარდა ამ დრომდე.